Ya diretz que qué conzieto ye iste de clavar en iste blog dentradas no guaire aconsonantes con o tema de Ger. Pero mirando-me as fotos que i-meto a o canto me cuaca trayer ta par d'aquí istas letras de xotas que zanquín-zanquián escribí con o tozuelo barafundiando por A Penya y redolada.
Son cosetas tamien d'a familia nuestra, de ferrero, que adedico a toz os que i son y más que más a Isá y Paco, os zaguers en dixar-nos, que siempre s'alcordaban de cuan se'n puyaban ta Ger a fer-sen buenos bailes. Agora, en o cielo, ya chuntos toz os chirmans ( Mariano, Fernando, Vitoria, Fé, Félix, Paco, Luis e Isá - Churripico- y os atros que sin estar chermans mesmo yeran de casa) guarda que no ferán campando por astí bien garufos por ixas dembas tan amplas...
Cantas de piedra pa ista val nuestra encara que estoi dengún gosará cantar-las , i- sotz escusaus.😏
As fotos se prenión en os zaguers días de Noviembre malas que remató Juan Carlos de desenronar as dos salas d'alto. Agora ya podemos acotraciar as paretes tapando os foraus y zaboyando rafes... si no s'acoran antis con antis as perras. No se si en saldremos....ta do s'aduba y prou. Que iste ivierno siga de buen implaz y no nos zabuque en tierra mica pa continar dimpues a la marcha.
que un poquet d’o que’ll yera
en Riglos quedó su almeta
mesmo un matizo de yedra.
Sirenas de Zaragoza. Polg. Industrial.
entre cantos de sirena
a navegar-se ixa mar
pero a mar ya no bi-yera.
a punto día plegaban
quan pisón s’encendeba
mallos y fierros purniaban.
O violín en a era Ger.
en Yeste o violín crompó
d’a coda la yegüa Jarne
de mosica a era vistió.
Tunel ferroviario de Carcavilla.
bafo a
buxo a’l baixar
uloro
malas lo veigo
a espígol
a’l tornar.
Naxidas de Salinas Viello.
todas de
Salinas Viello
a l’arreu
marchón ta USA
encá que
cueste creyerlo.
Foz d’Escalete.
contimparando
entre anviestas
alufra
dende escalete
y ya
dicirás que piensas.
Bi-ha un puent
con os suyos huellos
de glarimas
engaronaus
porque le furtón
os cielos.
Mosquito ‘ blues
O Galligo
lo aturoron
ta part
d’a val de Triste
do ató lo
macho l’amo
d’o
progreso que enriste.
Agosto s’en fue. Dondiando por Centenero.
que caricacho se i queda..
soledat muit preta y funda
aspra zoca d’almendrera.
Pegallo Carretera A-1215 ( Chaca- Santa
María).
Dice, AMil doscientos quince
“si te vienes no conduzcas”
mirar ya d’acotraciarla
no chuguetz a escondecucas.
O canfranero.
fendo los fierros tinglar
o canfranero chuflando
cutio firme traquetiar.
Lindano, Que fer?
Galligo rei d’a val
no baixa guaire fortal
que o lindano le fa mal.
Pa Biscarrués. ( Y toda la redolada).
esta chent de Biscarrués
metendo-nos cantareta
“xotiar” n’aragonés.
Despedida.
me fa goyo despedir-me
en silencio china chana
acucuto dimpués d’irme.
Comentarios
Publicar un comentario